E alu atu lava le masina lenei o Oketopa ma alu atu ai le Migrant Exploitation Protection Work Visa.
O le visa 6 masina lenei na faaofi mai e le faigamalo a le Labour i le 2021 e faafaigofie ai e tagata faigaluega mai fafo ona tuua fale faigaluega e lē o lelei ona vaaia i latou i se taimi vave ae faatulafonoina pea le nofo i totonu o Niu Sila.
O ni puipuiga e faapea ia maua ai le avanoa e toe sa’ili ai se isi galuega fou ae o le visa fou foi.
Peitai o ni puipuiga o le a lē toe iai e amata mai le aso 31 o Oketopa.
E leai se aafiaga o le visa 6 masina e muamua faamatuu mai, peitai o le visa lona lua e 6 masina toe faatalosaga o lea o le a lē toe iai.
I se saunoaga a le Minisita o le Immigration, Erica Stanford na ia ta’ua ai, o ni teuteuga o loo taula’i i le puipuiga o tagata faigaluega mai fafo e ala lea i le mafai ona vave oese, ma o ta’iala foi o loo iai i le taimi nei e lē o ma’oti.
E ui la e aloa’ia i le faai’uga o Oketopa, ae o le a iai lava le lua vaiaso e tuu mai e toe faatalosaga ai i latou o loo umia visa nei mo se isi visa lona lua pe afai e uma le aogā o lou visa e le’i uma le masina o Novema.
Puna o Faamatalaga: Government removes ability to extend Migration Exploitation Protection Work Visa | RNZ News
