Ua faailoa e le Minisita o le Puipuiga a Iapani, Shinjiro Koizumi i le BBC e tatau ona faamalosia agavaa o lona atunuu i le itu tau le puipuiga ma ua ave ai foi lana faamamafa i le mana’oga e tatau ona toe silasila i nisi o metotia sa faaaogā i le Taua Lona Lua a le Lalolagi.
Fai mai Koizumi o le faamalosia o le puipuiga ma le faamalosia foi o sootaga ma Amerika ma faalautele le galulue faatasi ma atunuu, o se tasi lea vaega o taumafaiga o loo faatino nei ina ia faamautinoa ai e lē tula’i mai se taua i ona ogaeleele.
Na saunoa foi le alii minisita i suiga talu ai nei i faiga faavae a Iapani e faatatau i le puipuiga, fai mai mo le ulua’i taimi o lea faato’ā mafai ona faatau atu e Tokyo ana ‘au’upega tau le puipuiga i atunuu e 17 ua faia a latou maliega, lea e aofia ai Amerika ma le UK.
Fai mai le minisita, o Ausetalia foi ua o latou filifili vaatau mai Iapani ae o loo faatalanoa foi fefaataua’iga ma le Atu Filipaina, Indonesia faapea Niu Sila.
Fai mai le BBC o Saina ma Korea i Mātū o loo faaauau pea lava foi ona faia faata’ita’iga o meatau ma e lē o faitiitia foi a latou faata’ita’iga o loo faia ane i luga tonu o Iapani.
Puna o Faamatalaga: https://www.bbc.com/news/articles/cly8qd4595eo
