Fai mai ua vaaia le suāuu uliuli i vaega o Moscow ina ua aafia se tasi nofoaga tele o le suāuu i osofa’iga a Ukraine.
Ua lipotia e le BBC e lata i le 200 drones na tafana ane e Ukraine aga’i i le laumua o Lusia.
O faamatalaga a molimau ua ta’ua ai ua vaaia le asu uliuli ua alu a’e mai le nofoaga na osofa’ia ma e to’a 17 ua faamauina ua manunu’a ai i ia osofa’iga.
Fai mai ua fautuaina e sui o Lusia tagata ia nonofo i fale ma tapuni faamalama ma ua tatau ona aga’i ese mai ma le nofoaga lea tagata matutua o iai ma i latou e faaletonu le mānava.
Ua faailoa e le BBC e lata i le afe drones na fana ae faapea ‘au’upega fana mamao e 4 o cruise missiles ae na fana i lalo e Lusia.
O le faamatalaga a Zelensky e faapea o le tali atu lea a Ukraine i osofa’iga i le vaiaso talu ai i totonu o Kyiv lea na faaleagaina ai se nofoaga faalelotu tele.
Fai mai Zelensky latou te le’i manana’o lava i lenei taua ae afai e mū Ukraine, lona uiga o le a mū foi ma Moscow.
O le tali ane a le Minisita o le Va i Fafo a Lusia o Sergei Lavrov ua ia faailoa ai o le a faateteleina osofa’iga ia Ukraine ma e lē lava upu ae ia lelei le faatinoina.
Ua lipotia e 4 malae vaalele i Moscow ua tapunia lē tumau ma le silia i le 500 o faigāmalaga ua lē taunuu.
Puna o Faamatalaga: https://www.bbc.com/news/articles/c98291g5rr1o
