Na so’a e le train se tamaitiiti ma maliu ai lava ananafi.
O se tala faanoanoa lea na faamaonia mai e leoleo i le afiafi ananafi ma o lea faalavelave na tulai mai i Mount Maunganui.
O le latalata i le itula e 3 i le aoauli ananafi lea na tupu ai ma i lipoti na tapunia ai ma le tele o auala lata ane i le nofoaga na tupu ai.
E oo mai i le itula e 6 i le afiafi ananafi o loo tu pea le train e feavea’ia uta poo le freight train i le nofoaga na tupu ai le faalavelave a o faaauau pea suesuega a leoleo.
I se lipoti mai leoleo i le taeo nei, o lea ua valaau mai i nisi na vaaia se tamaitiiti o loo vili lana uila vili vae latalata i le itula e 3 ananafi i le nofoaga na tupu ai e faafesootai atu le 105.
I lipoti e foliga mai ai o lea na kolosi lē ua maliu i le taimi na so’a ai e le train.
