Ua iai faamaumauga fou ua faamatuu mai e le malo e faatatau ile fuafuaga mo le inisiua o tupe maua, le income insurance scheme lea e ono vaaia ai le mauaina e tagata o le 80 pasene o o latou totogi e oo atu ile fitu masina, e vaavaalua ma se polokalame lagolago mo le tausaga atoa mo le faia o aoaoga poo training.
E agai sao lea faiga I tagata faigaluega ua faamalolo mai galuega pe ua vaea foi ia pe ua taofia foi le faigaluega ona o se tulaga tau le soifua maloloina ua aafia ai pe iai ni manaoga tumau. O le scheme fou lea pei ona faamanino mai I lipoti a le One News ua faatulaga mai e manaomia ai le faailoa muamua mo le fa vaiaso male fa vaiaso o loo totogiina ile 80 pasene o o latou totogi mai pule o galuega faatasi ai ma leisi lagolago e ono masina e tuuina mai mai le scheme poo le faiga fou lea.
O le a faagaioia lea faiga e le ACC ma ua amata faatalanoaga ile faiga fou lea na faatulaga e le Malo o Niu Sila , Business NZ ma le NZ Council of Trade Unions le NZCTU.Fai mai le peresetene ole Iuni o tagata faigaluega Richard Wagstaff o le faiga fou lea o le a maua ai e tagata faigaluega le taimi male tulaga tau tupe mautu ao saili seisi galuega fou e talafeagai ma o latou tomai.
