Mo le uluai taimi ua faailoa mai ele Medical Council ua faamaonia le faamalolo le tumau o se fomai e tetee ile faia o tui puipui. O Dr Bernard Conlon sa faailoa ona manatu faaalia faatatau I tui puipui i le facebook page ale Murupara Medical Centre.
Ise pepa o faamatalaga mai le faauluuluga o le Medical Council, Dr Curtis Walker na ia taua ai ua faamalolo le tumau le alii fomai ao faatino suesuega. Ua taua foi o le faamoemoe autu ole Council ina ia faamautu o fomai o loo mafai ona faatino o latou tiute faafomai ina ia faamautinoa le saogalemu ma le soifua maloloina otagata Niu Sila ma e matuai silasila ma le totoa le Council I mataupu faapea.
Ise finagalo faaalia o le alii fomai pei ona lipotia ile One News ua aofia ile mataupu lea ua ia faailoa ai lona le fiafia ile faaiuga ma ua le mautonu le lumanai o le Murupara Medical Centre. O seisi foi fomai mai Ueligitone sa faailoa lona tetee ile faia o tui puipui ua toe ave I tua lana apili ile faaiuga na faia a le Council e faamalolo le tumau ai.
