O le fono 17 lenei a atunuu oloo ua maea saini aao i se tasi o maliega mo auala e puipuia ai le siosiomaga lea ua toe faaauauina talu mai ona faamuta mai le 2019 ona o le faamai pepesi o le Koviti.
O le amatalia ai o lenei fonotaga na faamaea ai le tofiga Taitaifono sa umia e Samoa ae ua faaasee atu ia Niu Sila e pei ona faailoa ai ele Faatonu o le Ofisa o polokalame tau i le siosiomaga ale Pasefika poo le South Pacific Regional Environmental Programme(S.P.R.E.P) ia Sefanaia Nawadra.
“O le Noumea Convention sa faavae mai i le 1986 ma amata faatino loa i le 1990, o lenei foi maliega faatasi ai ma le polokalame e agai i amu ma aau sa totoina mai lea i Noumea New Caledonia e se tasi o faalapotopotoga a Malo Aufaatasi le U.N.E.P,S.P.C faatasi ai ma le S.P.R.E.P.”
“E iai ai le to’a ia te au nei ma le mautinoa e ui ina lofia i tatou i le tele o faalavelave ma faafitauli i le lalolagi eleo maluelue ese ai lo tatou naunautaiga ia tumau ona galulue e puipuia siosiomaga o le Pasefika.”
O le tausaga e 2019 na faia ai se iloiloga o lenei maliega i lona faaogaina ma le taua i atunuu oloo auai ai ma toe faia ai se fonotaga i le masina o Iuni o le tausaga nei e talanoaina ai iloiloga sa faatino ma tuuina mai ai ni popolega e tusa o le tulaga o le faaogaina o seleni ma meatotino oloo faaogaina e taiala ai lenei fuafuaga.
“O le lisi o vaega oloo talsoagaina mai lenei iloiloga olea avea lea ma auala e toe matimati ai se itulagi e faasee ai lenei maliega aemaise ona sui auai ina ia mautinoa le faafoeina o galuega ma auaunaga e agai lea i lenei maliega aua le malu puipuia pea o siosiomaga ale Pasefika.”
“O nei faiga o le faavae lea na fausia ai le ofisa o le S.P.R.E.P ma ole uluai ofisa lea oloo gafa ma le anoanoai o galuega o polokalame faatino e tautuaina ai le Pasefika atoa ou te talitonu mo sui auai o atunuu oloo i lalo o lenei maliega o lea utagia vaega uma mo suiga lelei e talafeagai ma manaoga o tatou tagata aemaise o faafitauli oloo iai nei.”
E sefulu atunuu oloo auai i lenei fonotaga e aofia ai atunuu o le Pasefika, Niu Sila faapea ai ma Amerika.
