Ua uma le palota a le puleganuu a Aukilani ma sau ai le faai’uga, o le tausaga mulimuli lenei e faia ai tuuga taavale i Western Springs.
E 11 i le 8 le i’uga o le palota ananafi ma o lea foi ua ioeina ai le faamatuu atu o le $11 miliona e faaleleia ai le paka i Onehunga, Waikaraka Park lea o le a suia aga’i iai tuuga uma.
O lenei vaega tupe tele o le a faaleleia ai mōlī, faalautele le vaega o loo faia ai tuuga, faapea ma le faaleleia o fale ma o le a tuu atu i le Maungakiekie-Tamaki Local Board lea e gafa ma le paka a Waikaraka.
E le’i faigofie le faasologa mai o fonotaga i lenei mataupu ona o le to’atele o loo manana’o e faaauau pea ona faia tuuga i Western Springs, peitai e to’atele foi o loo malamalama, o lea e gau.
Mai le pulenuu o Aukilani Wayne Brown, ua tele na’uā tulafono e saisaitia ai i Western Springs, e taugatā ma o lea e faamauina le gau e $1.1 miliona mo tagata totogi rates o Aukilani ma e na o le 12 foi tuuga taavale i le tausaga e faataga.
O se suiga tele le faai’uga ua iai nei auā o lea ua 95 tausaga talu ona faia i Western Springs.
Puna o Faamatalaga: Speedway to move from Western Springs after 95 years amid messy Auckland Council process | RNZ News
