Ua amata aloaia nei tapenaga o le isi Ipu o le lalolagi mo le Black Ferns ina ua toe amataina le latou camp i le vaiaso i Ueligitone faatasi ma le latou faiaoga fou ma le tele o nisi foliga fou i le ‘au.
E 34 le autaaalo a le faiaoga Allan Bunting ua mae’a faalauioa mo le taamilosaga, e toatele nisi sui fou e aofia ai ma le tamaitai o Lucy Jenkins sa mataina lana taumafai i le Super Rugby Aupiki.
E aofia ai foi ma tamaitai o Grace Gago, Katelyn Vahaakolo, Layla Sae, Mereangi Paul ma Rosie Kelly, o i latou uma ia ua sainia konekarate fou ma le Black Ferns.
Fai mai le faiaoga e manaomia le tapena o le ‘au mo le isi Ipu o le lalolagi o le a sosoo mai, ma i le taimi nei ua filifilia faiaoga aupito lelei e feagai ma le kulupu ma o le ‘au foi ia ua paleni lelei le talavou ma le lava o le silafia i tamaitai taaalo ma e manatu o le ‘au lea o le a siitia atu Niu Sila i le isi laasaga i luga atu.
