O le alii taalo a le Wallabies o Mark Nawaganitawase o le a agai atu i le lakapi liki ma auai ai i le ‘au a le Roosters.
O lipoti ia ua faailoa foi i tusitusiga a le Sydney Morning Herald i le asō ma faailoa ai ua faamaonia ane ia faamatalaga e le Rugby Australia.
Fai mai e lua tausaga o lana konekarate i le Roosters e amata i le 2025.
E pei ona silafia o se tasi lenei o alii saosaoa i le taaloga ma ua faailoa se faanoanoaga o le Ofisa Sili o le Rugby Australia, Phil Waugh ona o le agai ese o Mark.
Fai mai le lipoti e foliga ua fetaliai lava tulaga auā o lea foi ua sauni atu le isi alii talavou iloga o Jospeh Su’aalii e taalo mo le Wallabies i lana konekarate i le tausaga fou ae o lea ua faasee atu Nawaganitawase i le liki, o ia le tama taalo muamua o le Wallabies ua faasee atu agai i le lakapi liki i totonu o le 20 tausaga.
