Ua valaau nei le vaega faaupufai a le Leipa mo le toe faaopoopoina o le taimi e faagata ai le tuuina atu o finagalo faaalia e faatatau i le Treaty Principles Bill ma ua alia’e foi ni lipoti o loo maua e tagata faaaliga o ni error messages i luga o upega tafa’ilagi pe a tuuina finagalo faaalia.

Ua lipotia i le RNZ na faalogoina tagata o faamatala le faaletonu lea a o taumafai e tuuina finagalo faaalia ma o le taimi faatulagaina mo le tuuina o finagalo na faamuta i le 11.59 i le po anapo, Aso Lua 7 o Ianuari e ese mai le taimi faamuta mo finagalo faaalia e tuuina atu i le meli lea e faagata i le ta o le 5 i le afiafi nei.

E tele finagalo e lē fiafia ma lē lagolagoina le pili e pei ona faailoa i le lipoti, ma o le tulafono lea e aga’i iai lenei mataupu ua fuafua ai le toe tusia o le Treaty ma ona aiaiga e pei ona faamanino ai e le faamasinoga.

Na pasia lona faitauga muamua i le Palemene i le faai’uga o le tausaga na te’a nei.

Puna o Faamatalaga: https://www.rnz.co.nz/news/political/538401/extension-of-treaty-principles-bill-submissions-deadline-called-for