Ua avea se ulugali’i mai le Bay of Plenty ma ulua’i matua i Niu Sila ua molia i lalo o tulafono fou e fa’atatau i fanau e lē auai i a’oa’oga.
I ripoti na ioeina e le ulugali’i o la moliaga i luma o le Fa’amasinoga Fa’aitumalo i Whakatāne. O moliaga e aofia ai le lē faatino ai o le tiute faamatua o le resitala atu o le la fanau to’alua i se a’oga.
Faailo i faamaumauga mai le faamasinoga na māua le amata ai tulaga o le fai ma lē agai fanau i a’oga i le tausaga 2021, e ui i le tele o lapata’iga ma fesoasoani na ofoina atu e le Matagaluega o A’oga, e aofia ai avanoa mo home-schooling ma fesoasoani mai auaunaga fa’alaua’itele.
Faamanino mai e le Matagaluega o A’oga, o le ave o matua i le tulafono, o la’asaga mulimuli lava lea e agai iai pe afai mae’a uma ni taumafaiga, o auala e fesoasoani atu ai i le aiga ae e lē o savalia lava aiaiga ma tulaga o le ave ai o fanau i a’oa’oga.
O le a lauina le fa’asalaga o le ulugali’i i le masina o Oketopa, ma e mafai ona fa’asala i uma i la’ua i ni sala tupe e oo atu i le 3,000 tālā mo moliaga ta’itasi.
Puna o Faamatalaga: https://www.nzherald.co.nz/nz/bay-of-plenty-parents-plead-guilty-to-charges-of-failing-or-refusing-to-ensure-children-enrolled-at-school/GSSPN6WGCVDJTEFZEHXWAWV2RM/
