Ua lipotia mai nei le toe maua ai o se tamaitiiti e iai aafiaga tumau o lona soifua, poo sē e maua i le ma’i ua ta’ua ole autism,ina lipotia atu i leoleo le leiloa mai lona aiga i West Auckland.
O lea na faasolo ai loa sailiga a le auaunaga o leoleo na maitauina le faaaoga ai o auala i luga o le ‘ea poo le helikopa le Egale, ma agai foi sailiga i luga o le laueleele.
Faamauina i ripoti mai le NZ Herald, na logoina atu le ofisa e le tinā o le tamaitiiti ua leiloa pe tusa lea ma le 12:30 i le aoauli o le Aso Faraile o le vaiaso talu ai.
Na ta’ua e se tuaoi sa ia va’aia le tamaititi o savali aga’i atu i se togavao e latalata i le gataifale.
Na fa’ailoa e Leoleo e tāua ona vave maua mai o le tamaititi, talu ai tulga o le amata sua mai o le tai.
Ta’ua na mafai ona maua atu i le vaega o lavea’i i luga o le Eagle lea tamaititi o lo’o ta’alo i tafatafa o le vai i totonu o togatogo.
Photo / New Zealand Police
Na aga’i atu Leoleo i le nofoaga ma maua ai le tamaititi. E maua ati o ia ua ui sa susu ma palapala i ana taaloga ae na faamaonia mai le maloloina lelei o ia ma sa saogalemu lava, e le’i mana’omia se togafitiga fa’afoma’i.
Na ta’ua e le Inspector Nick Salter, o se taunu’uga fiafia tele lea mo le aiga ma sa fa’afetaia le galulue fa’atasi a Leoleo na mafai ai ona toe fa’afo’i saogalemu ane ai le tamaititi i lona aiga.
