O Iuni le masina ua maitauina o se masina aupito toatele ai tagata Ukraine ua maliliu talu mai Aperila 2022 pei ona faailoa e Malo Aufaatasi i le CNN. Ma ua atagia ai aafiaga o osofaiga a Lusia ia Ukraine.
Faamanino e Malo Aufaatasi o loo mataituina aia tatau a tagata i Ukraine, le UN Human Rights Monitoring Mission, a itiiti mai pe 293 tagata Ukraine na maliliu i le masina Iuni lava ia ma a aofai ua silia lava i le 1,400 tagata ua maliliu mo le tausaga atoa.
Fai mai le vaega lea ole faatupulaia ole au maliliu e mafua mai i osofaiga a Lusia faaaogaina ai auupega fana mamao ua aafia ai fale tetele e toatele e aumau ai. Ua leva ona faaleo manaoga o Ukraine mo se fesoasoani i le tulaga lea e puipui ai i latou mai auupega fana mamao ma e lei leva atu nei ona faailoa e Amerika ole a fesoasoani ane i le tuuina ole laisene ia Ukraine e gaosia pe fausia ai auupega e fanaina ai i lalo missiles ia e pei ona taua.
Tele aiga Ukraine o loo mafatia mai ia tulaga ma ua faaleo e nisi i luga o upega tafailagi le faigata tele o le tulaga o loo iai le atunuu i le le toe maua ose mapusaga mai nei vevesi ua matuai mamafa aafiaga i tagata uma.
Puna o Faamatalaga: https://edition.cnn.com/2026/07/14/europe/ukraine-civilian-deaths-russia-war-intl
