Ua fa’aalia i se su’esu’ega fou a le PMN News ma le Horizon Research; o le mataupu o loo faapena ona laualuga i manatu faaalia ma o sui Pasefika i lenei taimi i le aga atu i le faigaplota tele o le taugata tele o le soifuaga.
Na fa’aalia i le su’esu’ega e to’aiva mai le to’a sefulu o i latou na tali, o le si’itia o le tau o le soifuaga o le a a’afia ai a latou filifiliga i le palota. O galuega, totogi, auaunaga tau soifua maloloina ma fale mautotogie sa aofia fo’i i mataupu e sili ona popole ai.
Na fa’aalia fo’i e le to’atele o ē na tali e latou te lē talitonu o lo’o lava le malamalama o le faigamalo o lo’o iai nei i mana’oga o tagatanu’u Pasefika.
E tusa ma le 72 pasene na fa’ailoa mai e lē malamalama lelei le National Party i mataupu a le Pasefika, 74 pasene mo le ACT, ae 59 pasene mo le New Zealand First.
O le Labour Party na maualuga lona tulaga, ma e 70 pasene o ē na tali, latou te talitonuina e sili atu lo latou malamalama i mana’oga o tagata Pasefika.
Faamauina i su’esu’ega, e 50 pasene o tagatanuu Pasefika e lagolagoina le Labour, ae na’o le 11 pasene na lagolagoina le National.
Na fa’aalia fo’i e le su’esu’ega o le 80 pasene o i latou na tali, ma o latou faailo e tāua tele le iai o ni sui tauva ma ni Faipule Pasefika i totonu o vaega faaupufai.
Peita’i, o lo’o feagai pea i latou ma lu’itau o le taumafai lea ina ia faaosofia le agaga o tupulaga talavou Pasefika ina ia palota. E ui o le to’atele o i latou e 18 i le 24 tausaga ua resitala e palota, ae na’o le tasi mai le to’atolu ua mautinoa e faatino a latou palota.
Ta’ua e i latou na faia su’esu’ega, e mana’omia e tupulaga talavou ni fa’amatalaga manino e uiga i faiga fa’avae a vaega fa’aupufai, ia faigofie ona maua nofoaga e palota ai, ma ia tele fo’i talanoaga e uiga i mataupu e a’afia ai tagata Pasefika.
Puna o Faamatalaga: https://www.rnz.co.nz/news/pacific/716789/pacific-voters-send-a-clear-election-message-tackle-living-costs-and-earn-our-trust
