O lea ua toe lua vaiaso aloa’ia tulafono fou o le a tuuitiitia ai le fuainumera o tagata e nonofo i fale nei e ta’ua o emergency housing.
O le aso 26 o le masina lenei lea ua faamaonia mai e le matagaluega a le Social Development lea e suia ai tulafono e lē gata o le agavaa a o faaopoopoga fou e iai aiaiga o tiute fai a tagata e nonofo i fale nei.
O se suiga o lea ua taunuu ai le tala na sau mai le malo i le amataga o le tausaga o loo ave lana taulai i emergenecy housing ma ua faatonuina foi le matagaluega ina ia toe faamalosia le faiga o loo faatalanoa ai tagata faatalosaga.
E iai nisi o lipoti ua popole nisi o tagata o loo nonofo i emergency housing ona e foliga mai e ono oo atu i le faai’uga o Aokuso ua leai se fale e nonofo ai, ae mai le matagaluega a le Social Development o le aso lea e logo ai e case managers tagata o loo nonofo i emergency housing auā suiga ua agai mai.
O Waikato ma Aukilani lea e maualuluga ai lava fuainumera o tagata o loo faaaogāina emergency housing, ma e oo mai i le masina o Iuni e tusa lea ma le 4,300 tagata o loo nonofo ai ma o le tele o fale nei o faletalimalo.
O le ‘afa o tagata o loo nonofo i fale nei a le emergency housing, o fanau.
Puna o Faamatalaga: Ministry of Social Development to introduce new rules for cutting emergency housing numbers | RNZ News
