Fai mai e to’alua tagata ua maliliu ina ua soso’a atu e se loli se fale i le itu i Saute i Sisifo o Vitoria.
O le fesoasoani faavavave na aga’i atu i le faalavelave lea ina ua maua ane lipoti o le loli ua see ese ma le alatele ma aga’i sa’o lava i se fale i Princes Highway i Tower Hill lata i Warrnambool i le te’a laitiiti o le 7 i le taeao analeila.
Fai mai leoleo o tagata e to’alua sa i totonu o le fale lea ua maliliu ai ma o loo faatali le i’uga o su’esu’ega faafoma’i.
O le aveloli na ave i le falema’i mo siaki ma o loo faia nei le su’esu’ega a leoleo.
Puna o Faamatalaga: https://www.9news.com.au/national/tower-hill-truck-crashes-into-home-killing-two-people-inside/9e48765e-55e8-4445-9db2-1a0d17c35b29
