O loo faagasolo nei le su’esu’ega a leoleo i se faalavelave na tupu i Pt England i le po anapo.

Molimau a nisi o tuaoi e pei ona faailoa i le Herald ua ta’ua ai na faalogoina le pā ane faatolu o le fana ae lei umi ae vaaia ua tumu mai le nofoaga lea i leoleo faaaupegaina.

Fai mai le lipoti o loo sailia nei e leoleo molimau e fesoasoani ai i le su’esu’ega.

Fai mai isi molimau na vaaia nisi e nonofo i le nofoaga lea o o ane i fafo mai lea nofoaga a o si’o e leoleo.

O le faamatalaga mai leoleo e faapea na valaau ane i latou i le tuatusi lea i Waddell Ave ae faato’ā te’a laititi le 10 i le po anapo.

Faamaonia mai e leoleo e leai se tasi na faamanu’alia ma o loo faia pea le su’esu’ega.

Puna o Faamatalaga: https://www.nzherald.co.nz/nz/crime/police-investigating-after-garage-shot-up-in-pt-england-auckland/6WX57JWXQZABFI42PZ7PMO3KHM/