E silia i le 100 avanoa faigaluega i le Iunivesite o Wollongong o le a aveesea ona o fetuuna’iga o le a faia e iai popolega o le iuni o tagata faigaluega e i’u ina faamuta ai ma le aveina o faailoga i mataupu e pei o talafaasolopito, matematika, su’esu’ega o le siosiomaga ma polokalame tau gagana.

Fai mai le ABC ua mae’a ona faafesoota’ia e le pulega a le Iunivesite tagata faigaluega e to’a 137 ma faailoa iai le fuafuaga o le a faataunuuina.

Ua ta’ua pe ā ma le 90 tagata faigaluega fulltime o le a faamālōlō ina ia ausia ai le vaegatupe ua fuafua e fia faasaoina, poo le va o le 15-20 miliona.

Ua ta’ua ua mafua lea fuafuaga ina ia tali atu i le faaitiitia o tupe maua a le iunivesite i le tausaga nei lea e 35 miliona ua pa’ū ai ona o le faaitiitia o le aofa’i o tamaiti a’oga faavaomalo.

O le manatu faaalia o le sui o le Iuni National Tertiary Union o Damien Cahill na ta’ua i le ABC e faapea, o se tulaga faapopoleina tele lenei aemaise i le talaaga o le iunivesite.

Fai mai o mataupu o loo itiiti ai le aofa’i o tamaiti a’oga lesitala o mataupu ia o le a taula’i iai le faaitiitia o le aufaigaluega.

Puna o Faamatalaga: https://www.abc.net.au/news/2024-11-05/university-of-wollongong-cuts-academic-jobs-international-cap/104560250