O le a lagolago e le vaega faaupufai a le Greens le pili a le Leipa ua faaigoa Help to Buy and Build to Rent i le mae’a o se taimi umi o faatalanoaga.

O le faiga fou lea a le Leipa o le a faamatuu ane ai e le faigamalo o iai nei le oo atu i le 40 pasene o le tau o se fale fou i lalo lea o le Help to Buy scheme ae o le Build to Rent o le a fesoasoani ai foi i le faaleleia o le faitau afe o fale mautotogi.

Sa teena muamua e le Greens le pili lea ma o latou finauina ai le faamalosia o le tulaga tau lafoga poo le tax mo i latou e inivesi i fale ma faamalosia le puipuiga mo tagata e mautotogi e aofia ai ma le faia o ni tapulaa i le totogi mo fale rent, peitai la i se pepa o faamatalaga ua faailoa mai i lenei vaiaso ua faailoa ai e le vaega faaupufai e pei ona lipotia i le 9News o le a lagolago i le pili lea ae o le a faaauau pea le finau mo nisi tulaga lelei i le faigapalota o i luma.

Fai mai le Minisita o fale o iai nei, Clare O’Neill ua maua se mapusaga i le faai’uga ua faia a le Greens ae ana lē faatuai latou mo le toeitiiti 12 masina faapenei pe ā ma le 10 afe nisi tagata ua umia ni o latou lava fale i le taimi nei.

Puna o Faamatalaga: https://www.9news.com.au/national/greens-to-back-labor-housing-bill/6385b5e6-bb67-4051-bb8f-e29130295d0d