Ua talia ma le filemu e le Sui Peresetene o Ghana, Mahamudu Bawumia lona faia’ina i le palota sa faia i le faai’uga o le vaiaso ma ia ave ai lana faamālō i le sui o le Itu Agai o lē sa avea foi muamua ma Peresetene o le atunuu o John Mahama.
Fai mai Bawumia ua palota tagata mo se suiga ma ua faia tonu foi le faigapalota i se taimi o feagai ai le atunuu ma faafitauli tau le tamaoaiga.
Ua vaaia i magāala o le atunuu le aulagolago a Mahama o loo faamanatu ai le manumālō ma ua talotalo le to’atele e talosia ia uma ane ua maua ni galuega a le to’atele o tagata ma ia toe alu i lalo le tau o taumafa ma le penisini.
Fai mai le BBC e ui sa filemu lava le taimi o le palota i le Aso Toonai peitai a o le’i tapunia le palota na lipotia ai tagata e to’alua na tafana e le tagata i ni faalavelave eseese e lua.
O loo faatalitali nei la tagata poo le ā le ulua’i gaioiga a Mahama o le a faia i le ta’ita’iga o le atunuu ma o le aso 7 o Ianuari e faatautō ai le Peresetene fou.
Puna o Faamatalaga: https://www.bbc.com/news/articles/cdx9nlyjke4o
