Afai ae taunuu le tuuitiitia o tupe nei o loo fesoasoani mai ai le malo i iunivesite, o lona uiga e lē gata o le a faamuta ai nisi o mataupu a’oa’oina, ae o le a aga’i foi fanau a’oga i Ausetalia.
O lea ua faailoa fuafuaga a le malo o le a faamuta ai le 4% fesoasoani tupe o loo ia fesoasoani mai ai i iunivesite, poo le pasene lenei na tuuina mai i le 2023 ia faaauau ai pea mataupu a’oa’oina i iunivesite.
O se fuafuaga na faia i lea taimi ma le fuafuaga ia oo mai i le taimi e uma ai i le tausaga nei, a ua iai se isi alaga’oa e suitulaga ai, peitai o lea lava e faaauau iloiloga i le taimi nei.
O lea foi ua mae’a lapata’ia faaulu o iunivesite i le fuafuaga a le malo.
Fai mai le Tertiary Education Union, afai o lea o lona uiga o le a faamuta loa nisi o courses, ma o le faamuta ai o le a maua ai loa ma le isi mafua’aga e o ai fanau a’oga i Ausetalia e faaauau ai a’oa’oga.
O nisi o iunivesite ua fai mai o le a taugatā pili mo mataupu a’oa’oina pe afai ae faamuta le fesoasoani mai le malo.
O le fuafuaga ua faailoa mai e le malo, o loo tālia pea se tala aloa’ia mai le malo e tusa ma lona faataunuuina.
Puna o Faamatalaga: Students eye up Australia as universities brace for cuts | Stuff
