E lē o iai lava ni foliga o tau sui mai le manatu o le Peresetene filifilia o Amerika, Donald Trump i lona naunauta’iga ina ia o latou mauaina Greenland ma le Panama Canal.
Ina ua fesiligia e se tusitala Trump i le mataupu lea pe o le a ia aveesea le faaaogāina o le militeli poo le malosi faaletupe ina ia avea ai ia faaitu na ia tali ane e lē mafai ona ia tuu ane se tali mautū i mataupu ia ae mafai ona ia faamautū ane e mana’omia pea tulaga ia mo le faamautūina o le tamaoaiga.
O loo tau fai teena uma e Denmark ma Panama ni faamatalaga e faapea o le a o latou faamatuu ane o latou laueleele.
E to’atele o loo tulimata’ia le mataupu lea atonu faato’ā ataata mai le sa’o pe a amata aloa’ia Trump i lona tofi Peresetene i le tausaga nei.
Puna o Faamatalaga: https://www.bbc.com/news/articles/c4gzn48jwz2o
