O le loia sili a Ausetalia Mark Dreyfus ua tusi atu i lē sa avea muamua ma Palemia o Ausetalia, Scott Morrison e unaia ai o ia ia aua nei faasoaina faamatalaga faalilolilo sa tuuina ia te ia i lona taimi a o iai i le malo.
Fai mai le loia sili o lona popolega ona o faamatalaga o talanoaga o loo faasoa ma le autusitala o le tusi ua faaigoaina Plagued, o le tusi sa tusia e Simon Benson e faatatau i le taimi a o iai Morrision i le malo.
Fai mai le alii loia o le faailoaina mai o faatalanoaga a le kapeneta ua tuumāmāina ai le faalilolilo o faamatalaga a le kapeneta ma ua folasia nei lea tusi i luma o le komiti faaletulafono ma le faavae o Ausetalia le Legal and Constitutional Affairs committee.
E le o ta’ua mai se tali a Morrison i lea tusi.
