O tapenaga uma a le faigāmalo talu ai i le faatauina o le vaa la’upasese fou mo malaga i le va o Upolu ma Savaii, ua faaalia e lē sa avea ma Minisita o Galuega Tetele e aofia ai ma le faalapotopotoga o vaa a Samoa ma le pulega o uafu ma taulaga, sa faatino ina ua faamalieina uma aiaiga faaletulafono.
Ina ua tāpā le tofa Olo Fiti Vaai i sona finagalo i le faitioina ai o lea fuafuaga ma taunuu ai le malo i le faai’uga e lē faaaogāina le vaa ona e lē saogalemū, ua faaalia e lea tamalii sa avea ma Minisita o Galuega Tetele a le malo, o le faai’uga lava lea e pule ai le malo, ae o le faatauina o le vaa sa faia i le mae’a o su’esu’ega a inisinia popoto i vaa la’upasese ma le saogalemū o malaga i luga o le sami.
Se faatalanoaga ma le tofa Olo Fiti Vaai sa avea ma Minisita o Galuega Tetele a le malo e aofia ai ma le faalapotopotoga o vaa ma le pulega o uafu ma taulaga.
