I se tasi foi faalavelave ua lipotia mai lava i Sini ua faailoa ai le maliliu o ni tamaitai se toalua ma isi o loo i le falemai ina ua tā ese mai maa sa iai i luga i le itu i Saute o Sini.

Poo le ‘afa o le 4 i le afiafi ananafi na tupu ai le faaletonu ina ua tā agai i le sami e lata i Cape Solander i le Sutherland Shire.

O le isi na mafai ona alu ese mai le sami ma toe a’e ane i le pa’umātū sa fesoasoani iai nisi sa iai i lea nofoaga.

O le isi toalua na ave ane ua tau lē iloa nisi ina ua maua e le helicopter a leoleo ma na maliliu ai lava i lea nofoaga.

O le isi foi faalavelave faapea na tupu i le faaitu lea i le masina talu ai na tā ese ai foi ni faifaiva se toalua mai papa maa i lea faaitu ma e masani ona fautuaina tagata ia faia ni ofu faaola pe a agai i pito ia ona o tulaga lamatia o le soifua.

O loo faaauau le suesuega i lenei mataupu.

Puna o Faamatalaga: https://7news.com.au/news/two-women-dead-after-being-swept-off-rocks-at-kurnell-in-sydney–c-14975377