E silia ma le ‘afa miliona tagata Kiwi o loo faamoemoe i food banks i masina ta’itasi, ma o se fuainumera tele lea.
O i’uga na o su’esu’ega lata mai nei a le New Zealand Food Network lea e tufatufaina mea’ai i food banks i soo se vaega o le atunuu, ma o faamaumauga nei i le va o Iulai ma Tesema o le 2024.
A faatusa lea i le va o Ianuari ma Iuni o le tausaga faato’ā uma atu, o lea ua alu i luga auā o lea sa faamauina i lea piliota le 454,000 tagata na faatalosaga.
Na ta’ua mai ai foi o le 1/3 o tagata faatalosaga o le ulua’i taimi lea ua sulu atu ai mo mea’ai.
E lē o faigofie i food banks ona o le to’atele o i latou e lē faapea a mea e mautinoa se alaga’oa e faamoemoe iai, ma o lea foi e alu i luga tagata faatalosaga ae e lē o tutusa ma le tele o foa’i maua.
Ua sau ai le talosaga i tagata Niu Sila o loo lava le faasoa e fesoasoani atu, aemaise o pisinisi faapea le malo.
Puna o Faamatalaga: Over half a million Kiwis accessing food banks per month – survey
