Ua poloaia e Isaraelu le tapeina o le eletise i Gaza, ina ia unaia ai le Hamas ina ia faasaoloto ane loa isi tagata Isaraelu na ave faapagota ma taofia e le Hamas.

O le folasaga lea a le Minisita e feagai ma le auaunaga tau eletise, Eli Cohen ua faia ina ua faatino lea tulaga ma taofia ai le sapalai o le eletise, o se vaega e aumau ai tagata e silia ma le lua miliona.

O le faaiuga e tape le eletise ua fuafua e aafia ai le faatinoina o nisi auaunaga pei o le maua ai o le suavai mamā mo le taumafa a tagata ae lei faia se faaiuga e faatatau i le suavai taumafa.

O loo mananao Isaraelu ia taliaina e le Hamas le faaumiumi atu o le vaega muamua o le maliega i le faaumiumi lea o le taofia o vesiga i le va o itu e lua ae o loo mananao le Hamas e amata loa talanoaga mo le vaega 2 o le maliega lea e tatau ona faasaoloto uma mai ai loa pagota i Gaza ma agai ese mai ai loa vaegaau a Isaraelu mai Gaza ma faamuta moni ai ma le taua.

Puna o Faamatalaga: https://www.bbc.com/news/articles/c1w0l3q4zd0o