E to’a 5 talavou e aofia ma se tamaitiiti e 13 tausaga ua pu’eina e leoleo i le mae’a o ni gaoiga ua feta’ua’ina mai i Melepone e aofia ai ma le ave faamalosi o se taavale.
Na vaaia e leoleo se taavale o le ituaiga o le range rover discovery o fealua’i i Glen Waverley poo le te’a o le 11 anapo, sa mulimulita’i iai le helicopter a leoleo ma isi units ma vaaia ai ua lafoa’i i le pitonuu o Wantirna.
Fai mai leoleo e foliga na taumafai le ausolitulafono e gaoia mai se taavale i le fetaula’iga ala i Burwood Highway ma Stud Road peitai e le’i manuia.
O se taimi mulimuli ane na lipotia ane ai na faamata’u foi e talavou lava nei se avetaavale ma latou sosola ese ai i le taavale o le Ford Focus.
Sa fai tuliga ma leoleo ma pu’eina ai loa mulimuli ane, le 13 e oo i le 16 tausaga le matutua.
O loo faagasolo le su’esu’ega a leoleo.
Puna o Faamatalaga: https://www.9news.com.au/videos/national/five-teens-arrested-after-burglaries-and-carjacking-in-melbourne/cm6ziabl100050gn1k1p7h5r7
