O Ausetalia i Saute ma Vitoria lea o loo lipotia o le a feagai ma le taumafanafana i le vaiaso nei e ui ua amata ona faalogoina le sau a le taumalulu i le tele o vaega o le atunuu.
O le faaitu o Adelaide lea o loo faatulaga e oo atu lona vevela i le 28tikeri i le asō a o Melepone sa faamauina foi le vevela o le susulu a le la i le aso ananafi.
Peitai ua faailoa mai e le vaaitau o le a iai suiga o le tau i vaega eseese o le atunuu.
O le a vevela foi isi faaitu o Niu Sa Uelese e ui o loo vaaia foi le agai ane o se vaega malulu o uiga o le tau mai le itu i Saute ma le faamaoniga lea o le suiga o le a iai i le tau e pei ona masani ai i tausaga taitasi i le vaitau lenei.
Ua faamanatu pea e le vaaitau e lelei lava ona malupuipuia le soifua o tagata ma ia faatino pea tulaga uma tau le puipuiga i laei talafeagai ma suiga o le tau ia alofia ai foi le aafia i ni gasegase e mafua mai i suiga o le tau.
