Ua tuuina mai nei faamaumauga o fuainumera fou e tusa ai le fesoasoani a le Malo i tulaga o le penisini. Ma ua faamauina, e lē o aiga uma e agavaa ua maua lea faamāmā’avega.
Na amata lenei fesoasoani i le masina o Aperila ina ia naua e aiga faigaluega e maualalo le tupe maua se faamāmā’avega, ona o le si’itia maualuga o le tau o le suau’u, ua feagai nei ma le atunuu.
Na fa’ailoa e le Malo e oo atu i le 157,000 aiga e agava’a mo lenei fesoasoani, o le to’atele o o lea fuainumera e latou te mauaina le $50 tala i le vaiaso.
Peita’i, o fa’amaumauga mai le Inland Revenue ua fa’aalia ai e tusa ma le 95,000 aiga ua maua lenei fesoasoani i vaiaso ta’itasi, ae mo i latou e sili atu le 106,000 aiga pe na o le tasi lava le taimi na o latou maua ai ia fesoasoani.
Ae ua tali le Minisita o Tupe, Nicola Willis, e lē o manino lelei tagata vaega ma tuutuuga o le maua ai e aiga ia lea seleni, ma e fua lava i le tulaga ua iai nei aiga ma ua ia faaalia e to’atele lava aiga o le a maua pea le fesoasoani i totonu o le tausaga pe afai o loo agavaa iai.
Faamanino e fa’amuta lenei fesoasoani pe afai e tumau pea le tau o le penisini e i lalo ifo o le tolu tala i le lita mo vaiaso e fa.
Puna o Faamatalaga:https://www.rnz.co.nz/news/politics/684019/not-all-eligible-families-receiving-promised-fuel-relief-payment
