E tulaga ese le malosi o se asioasio poo le tornado lea ua lipotia na aafia ai Saina, faimai ole malosi tele na se’i mai ai ma se alii sa iai i le fogafale 12 o se fale tele i le itumalo o Hubei.
Ua ta’ua e le CNN e tele mea na faaleagaina ma a itiiti mai pe toa 11 ua maliliu ma le silia i le 300 ole ‘au manunu’a. Fai mai e oo atu i le 260km i le itula le malolosi o matagi ma na faaleagaina ai fale, taavale aemaise o faatoaga pei ona lipotia e le Xinhua news a Saina.
O Hubei lava ia e tele mea faaleagaina ma o le alii e pei ona ta’ua na lelea ese mai ma lona fale poo lana apartment i le fogafale 12 o loo taofia i le falema’i mo togafitiga ona e tigaina.
Faamaonia mai e leoleo i lea faaitu e tulaga ese lea asiosio ma o le itumalo o Hubei e seasea aafia i asioasio, na gata mai i le masina o Me 2021. Ua valaau ai le taitai o Saina, Xi Jinping ina ia faia se taumafaiga. all out rescue and relief effort e fesoasoani ai i aiga mafatia mai lea faalavelave faalenatura.
Puna o Faamatalaga: https://edition.cnn.com/2026/07/07/china/man-blown-from-12th-floor-apartment-deadly-tornado-china-intl-hnk
