I se lipoti lata mai a leoleo i le faalavelave na lipotia atu i talafou ananafi na maua atu ai se tamaitai ua maliu i le faletalimalo o le Pullman i Penrith, ua faailoa ai i le asō ua molia ai le alii sa maua atu ai i le faletalimalo lea o matapogia ai i autafa ane o le tamaitai ua maliu ma iai foi manu’aga i ona lima.

Ua molia nei i le fasioti tagata i le tinā e suafa ia Shirley So e pei ona lipotia i le Alaata 9, e 50 tausaga le matua o lona soifua, na maua atu ua maliu ma manu’aga i lona tino.

O lē ua molia o Darren John Berry, e 53 tausaga ma o loo taofia i le falema’i i lalo o le vaaiga a leoleo.

O le asō e tula’i ai i le faamasinoga ma ua faailoa e nisi o uo ma aiga o le tinā ua maliu e taliagata e latou le tala ua maua ma ua aafia loto ona o le a lē toe vaaia si a latou uo.

O le falema’i i Westmead o loo taofia ai lē ua molia.

Puna o Faamatalaga: https://www.9news.com.au/national/man-charged-with-murder-after-mother-found-dead-in-hotel-room/61e92a01-2bf3-445d-9c5b-981d3448f2e0