Ua laasia e le ausu’esu’e a Ausetalia se isi laasaga i le vave ona faatupuina o laau totō e faaaogā ai ni metotia faasaienisi ua faaulu ane mai le a’a o laau ia vave ai ona tupu ma lauolaola.

Fai mai le Alaata 9 o le ausu’esu’e mai le Iunivesite o Kuiniselani o loo feagai ma lenei su’esu’ega ma ua o latou ta’ua o le faiga lea faatekonolosi e mafai ona ono faaaogāina i le lumana’i e faia ai nisi ituaiga eseese o laau totō ma vave foi ona feola.

O lea tulaga o le a lē toe tau mana’omia ai le faatalitali mo se taimi umi faato’ā fua mai laau ma e faaleleia atili ai foi le ituaiga fua e maua mai ai.

O lea la malamalamaga fou ua maua e le ausu’esu’e ua faamautuina ai le faailoga o le Iunivesite o Kuiniselani, ma ua sa’ilia nei ni ana paaga e galulue faatasi e faalautele lea ituaiga metotia fou.

Puna o Faamatalaga: https://www.9news.com.au/national/genetically-modified-crop-breakthrough-university-of-queensland/024616a3-6136-4907-84c0-c906702658c1