A o toe tasi le vaiaso faailoga le ANZAC, ua faailoa e le asosi o fitafita na toe foi ane mai taua, le Returned and Services Association poo le RSA, e tatau ona iai se isi aso lona lua e faatāua ai fitafita o le atunuu.
Na faaalia e le peresetene o le asosi o Sir Wayne Shelford ma lipotia foi i le RNZ o le faitau afe o fitafita na toe foi mai taua ma auaunaga faamiliteli i le 35 tausaga talu ai latou te talitonu e le o amanaiaina le latou tautua.
Pe ā ma le 60 afe tagata na tautua i vaega’au a le atunuu talu mai le 1990 ma o nisi na maliliu lava i taua ma isi ua aafia i gasegase o le PTSD post traumatic stress disorder ma o le ANZAC e faatatau lava i le ANZAC ma e le mafai ona galo auā o se taua tele na aofia ai, peitai e mananao e iai se aso e faaaloalogia ai veterans poo i latou na tautua i auaunaga faamiliteli mo le silia ma le 50 tausaga ma e le na o le taua muamua ma le lona lua o le lalolagi e aofia ai ae e aofia uma ai ma isi taua na tautua ai fitafita.
Ta’ua e Shelford ua mae’a ona talanoa i le minisita o puipuiga i le mataupu lea ma ua ia ta’ua e leiloa pe aisea e le faia ai.
