E leai seisi case fou o le koviti 19 ua faamauina mai le faletalimalo o le Pullman I Aukilani lea o loo faanofoesea ai tagata.
Ole faamatalaga lea I le aso mai le minisita ole Koviti 19 Chris Hipkins ae ua ia taua ai o le a matuai faamalosia foi tulafono I nofoaga ia ma o le a le mafai e tagata ona o ese ma olatou potu pe a maea a latou siaki o le aso lona 12 ao lumanai ai le o ese male nofoaga pe a maea le taimi e faanofoesea ai.
Ua faia lea fuafuaga ina ia faaititia ai le avanoa e toe pesia atu ai seisi mai isi tagata I totonu ole nofoaga lea ae ua faasauni e agai ese, ma o le a leai foi nisi tagata fou o le a faaaumau ai I lea nofoaga I le taimi lea.
O le aso Sa na faamaonia ai le aafia o se tina sa aumau ai I nofoaga faanofoesea ina ua agai ese, sosoo atu ai ma le tama ma lona afafine sa faamaonia I le aso ananafi mai lea lava nofoaga ma o loo suesue pea le mafuaaga o le aafia o I latou ia.
E 11 close contacts o I laua ia ma ua faanofoesea foi mo le taimi nei e faatalia ai siaki o loo faatino. Talu mai le aso sa, e 17 afe siaki na faia o le koviti I Aukilani ma Northland mae leai nisi cases na faamauina ai.
O le aso ua vaaia ai foi le uumi o kiu I nofoaga e faia ai siaki ile toatele ua agai ane mo siaki I le maea faalauiloaina o nei faamaumauga
