Ua leai mai le Palemia Christopher Luxon i le manao o le Pulenuu o Aukilani Wayne Brown, e tatau ona totogi rates o fale o le malo o loo tutū i Aukilani.
O lea e leai ni rates o totogia i fale o le malo i Aukialni e aofia ai falemai ma aoga.
Fai mai le Pulenuu ana faapea nei e totogi e le malo rates o ona fale nei ma toe faatalosaga lafoga o oloa ma auaunaga poo le GST, e maua mai ai e le puleganuu a Aukilani le silia ma le $400 miliona i le tausaga ma e matuai lava ma totoe e faatumu ai le ava o le paketi o loo iai nei.
Tautino le Pulenuu e lē faapea o se manao na o ia, o lea foi na lagolago e sui o le puleganuu a Aukilani ma fai ai loa lana tusi.
Fai mai foi le Faipule o Auckland Central o ia foi o se tasi o taitai o le Green Party, Chloe Swarbrick, o loo ia lagolagoina le Pulenuu ia Brown.
O se tusi ua tali mai le Palemia, e lē o taliaina le talosaga a le Pulenuu.
