O le a lē taalo le alii o Jordie Barrett i le taaloga o le a sosoo ai a le All Blacks ma Ausetalia i le faai’uga o le vaiaso.

E pei ona silafia e le to’atele na aga’i mai i tua Barrett i le mae’a o le ‘afa muamua o le taaloga ae lei toe foi ane mo le ‘afa lona lua i le taaloga talu ai i Sini.

Ua faamaonia mai la e le ‘au o loo manu’a le alii taalo ma o le a misia ai le taaloga o le vaiaso nei.

Fai mai le Newstalk, e fua i le ogaoga o manu’aga e ono mālōlō mo se umi mai le tasi le vaiaso i le 12 vaiaso.

O loo iai le fuafuaga a Barrett e auai atu i le kalapu Aialani o Leinster i le faai’uga o le taamilosaga, o se vaega o lana mālōlōga mai le All Blacks.

O le isi alii taalo e lē avanoa mo le taaloga lea o Reuben Love ae o Anton Lienert Brown o loo feta’ua’ina e lē taumate o ia o le a suitulaga ia Jordie Barrett.

O le fetauiga lona lua ma Ausetalia e faia i Ueligitone.

Puna o Faamatalaga: https://www.newstalkzb.co.nz/news/sport/all-blacks-v-australia-jordie-barrett-ruled-out-of-bledisloe-cup-test-with-knee-injury/