O le asō ua folafola mai ai e le Malo e lē o toe mamao ona siitia lea o le levy poo se lafoga e totogi e tagata asiasi mai i Niu Sila, lea o le a siitia i le $100.
O le International Visitor Conservation and Tourism Levy o le a siitia mai le $35 o loo iai i le taimi nei aga’i i le $100 e amata atu i le aso 1 o Oketopa.
O le levy lea na amata i le 2019, o se fee poo se totogi e pay e le toatele o tagata asiasi mai i le atunuu e faamautū ai foi le sao o Tulisi i le tau o le faatumauina o le matagofie pea o nofoaga faasao.
Saunoa ai Matt Doocey o le minisita o tulisi ma taligamalo, o loo manatu le malo i le faatupuina o le vaega o tulisi ina ia faatupula’ia o se isi lea vaega o a latou taumafaiga aoao tetele i totonu o le 10 tausaga, ma e telē le sao o tulisi faavaomalo i le tamaoaiga o le atunuu.
Fai mai a ia o le faatalanoaga faalauaitele sa faia e le Matagaluega o Pisinisi ma Alamanuia faapea galuega, ua iloa ai o le 93 pasene o i latou na faailoa finagalo, e lagolago i le siitia o le levy.
O tagata e lē aofia ai i le totogiina o lea lafoga e aofia ai sitiseni o Niu Sila ma Ausetalia ma nofomau, sui o malo ma tagata mai atumotu o le Pasefika.
Puna o Faamatalaga: https://www.1news.co.nz/2024/09/03/international-visitor-levy-increasing-to-100/
