Ua faamaonia mai e leoleo e lua taavale na feto’ai i le fetaula’iga ala i Warrigal Ra ma Highbury Road i Melepone ma e toatasi ua maliu ai.

Fai mai le 9News o le avetaavale o le isi taavale lea ua maliu ae o loo ta’ua i le lipoti o le isi taavale e feta’ua’ina o se taavale na gaoia.

O le faamatalaga a leoleo e faapea e iai alii na tamomo’e ese mai ma le taavale lea ina ua tupu le faalavelave ae pu’e ai e leoleo na o teineiti ta’i 15 tausaga e toalua ma o loo i le falema’i i le vaaiga a leoleo.

Talu mai anapo o loo sailia pea e leoleo alii na sosola ese ma ua talosaga mo se fesoasoani a le atunuu se tasi e silafia i latou ia.

Poo le te’a o le itula e 7 i le afiafi na tupu ai le faalavelave.

Puna o Faamatalaga: https://www.9news.com.au/national/teens-arrested-and-more-on-the-run-after-man-killed-in-melbourne-crash/09dd72d9-1dd7-483a-929c-ff60af87a3fb