Ua faalauiloa nei e le pulega o le Lakapi Samoa se faigapaaga ma le ofisa o le Komesina Maualuga o le malo o Peletania i Samoa, ua faaauala mai ai se foa’i o meataalo mo tupulaga e faaaogā i le taaloga lakapi.
O nisi o ia meataalo poo rugby kits sa faaaogā muamua a o nisi e lei faaaogāina lava.
O lea foa’i o le a faamanuiaina ai nisi o fanau i aoga tulagalua, o aoga maualuluga ma kalapu.
O se foa’i ua faaalia ai le galulue faatasi o le Lakapi Samoa ma le Ofisa o le malo o Peletania i Samoa i le unaia o le atina’e o le lakapi auā alo ma fanau lalovaoa o le atunuu.
O se foa’i foi o le a unaia ai le tulaga o le soifua maloloina o tupulaga e ala i taaloga faapei o le lakapi.
