Ua faasala se kamupani dairy e faamautu i Hamilton e totogi le $420,000 mo le faia o faamatalaga e faatatau i nisi o ana oloa faapea e 100 pasene oloa Niu Sila e ui o nisi o mea autū o loo gaosia ai ia oloa o loo aumaia mai Initia.
O le Commerce Commission ua o latou faailoa o le Milkio Foods Ltd na o latou faaaogā faamatalaga lē sa’o ma lē atoatoa e faatumauina ai le ioeina o le faaaogāina o le faailo a le FernMark ma le numera o le laisene lea e faaaogā faavaomalo e iloa ai oloa e gaosia atu mai Niu Sila nei.
O le Faamasinoga Faaitumalo i Hamilton lea na ioeina ai le faa 15 ona solia o aiaiga o le Tulafono o Fefaataua’iga talafeagai e lea kamupani.
Fai mai le komisi e lelei le avea o le faata’ita’iga lenei e fai ma lesona i nisi kamupani o loo fuafua e faasese ona faia ni faamatalaga e faapea o a latou oloa ma brand e mai Niu Sila.
O le mataupu na lipoti agai i le Commerce Commission e le Matagaluega poo le Ministry for Primary Industries.
Puna o Faamatalaga: https://www.1news.co.nz/2024/08/26/dairy-company-fined-for-false-claims-of-100-pure-new-zealand-products/
