Ua amata aloaia mai le aso le sā a Wairarapa Coast e lē mafai ai ona faia ni afi.
O le itula e 8 i le taeao nei na amata faitau mai ai lenei sā faapea ai ma le faalēaogā o pemita uma sa tuuina mai e mafai ai ona faia se afi.
O se faaiuga ua oo iai Wairarapa a o iai i taimi mugala ma o le tele foi o ona fanua e na o le vao ma laau faatoa amata totō, ma e maualuga le lamatia e ono vave tulai mai ai se mu.
Ua fautuaina ai aiga ia faaeteete ma ia usitaia le sā ua amata faamamalu mai le asō mo le saogalemu o tagata uma.
O se sā ua faia ai e Wairarapa i le mae’a pisi o le fuimu i le faaiuga o le vaiaso i le tele o mu na lipotia i le tele o vaega o Niu Sila e aofia ai ma le tasi na ta’ua mai i Porirua.
