E lata i le 100 le aufaigaluega a le Crown Casino i Sini o le a faamalolo ina o le a tapunia le isi foloa o taaloga i le nofoaga lea, e mafua i le faaitiitia o tagata o loo asiasi atu iai.
O ananafi na faalauiloa ai le faaiuga lea a le kamupani o le a tapunia le isi foloa o loo faia ai taaloga faitupe ia ae faatoa tasi le tausaga talu ona tatalaina.
O lea faaiuga o le a tuufaatasia ai isi foloa e lua i le casino i Sini ma ua faailoa e le kamupani o le faaiuga ua faia e aafia ai le aufaigaluega ma o loo galulue nei ma iuni e soalaupule se faiga e tusa o lea tulaga.
Fai mai a latou o loo ave le latou faamuamua i tagata faigaluega e aafia i lea faaiuga ma faataunuu le fuafuaga ma le faaeteete ma le faaaloalo foi i ē e aafia ai.
