O le asō o loo malaga atu ai le Palemia o Niu Sila, Christopher Luxon i United Arab Emirates e molimauina le osiga feagaiga o le a fesoasoani tele i le tau o lafoga totogi mo oloa e faatau atu i fafo.
O le maliega lenei o le Comprehensive Economic Partnership Agreement o le a pa’ū ai lafoga o le silia ma le 98% o oloa e auina atu i le United Arab Emirates mai Niu Sila nei.
O loo viia e le Palemia o Niu Sila lenei faiga faapaaga, ma o loo malaga faatasi le Palemia ma le minisita o fefaataua’iga a Niu Sila, Todd McClay.
Fefaataua’iga nei i le va o atunuu e lua o loo saofai nei i le $1.3 piliona tupe Niu Sila.
O le a faaaoga foi e le Palemia ma le minisita le faigamalaga ua tuuvaa ese atu ai e faalauiloa atili ai Niu Sila ma lona maketi.
Puna o Faamatalaga: NZ-UAE trade deal to cut export tax by 98.5 percent – PM | RNZ News
