Ua amata faagasolo i le vaiaso nei polokalame eseese e faailoga ai le atoaga o le 10 tausaga o le siteki o le Apia Samoa Central o le Ekalesia a Iesu Keriso o le Au Paia o Aso e Gata ai i Samoa.
O le siteki lenei ua aofia ai uarota e 11 e pei o Alamagoto, Alafua, Moamoa, Vaimoso, Pesega II, Lalovaea, Motootua 1 ma Motootua 2, Vailima, Vaoala, ma Malololelei.
O le faaiuga o le vaiaso i le Aso Toonai na tumutumu ai le taulaga i solo a taavale teuteuina a ia uarota e 11, faapea foi ona faalauiloa ai tamaitai o le a sailia ai se tausala o le 10 tausaga o le aso fanau o le siteki.
Ua faatulaga nisi o polokalame i lenei vaiaso ma faafiafiaga aemaise o le faalauiloaina o oloa gaosi ma galuega taulima a uarota o le siteki faapea seleselega o fua o a latou faatoaga ma lafumanu.
