O le a faaauau pea le malo i ana fuafuaga e toe faatulaga le vaaia o le Oranga Tamariki e ui i le tele o tetee i le gaioiga lea ma vaaia ai le aga’i ese mai o se faipule a le National mai totonu o le Palemene.
O le Oranga Tamariki Oversight bill e pei ona lipotia e le Newshub o le a aveesea ai le Childrens Commissioner poo le komesina mo tamaiti ae faia se isi faiga fou fai mai le Leipa e sili atu.
O loo faailoa i le lipoti a le newshub o loo tetee le National, ACT ma le Green faapea foi le Te Paati Maori i le pili lea ae faapea foi i nisi e iai i le auaunaga lea, fai mai a latou ua vave tele lea fuafuaga ma e lē o lelei.
Na savali ese mai ai ma le sooupu a le National Louise Upston a o faatalanoa le mataupu i le Palemene i le vaiaso nei. O le minisita o le Social Development and Employment Carmel Sepuloni na ia ta’ua ua ia faalogo i popolega ua laga ma ua mae’a foi ona feiloai atu i kulupu eseese o loo aofia i le mataupu ma faalogologo foi i o latou finagalo faaalia.
