E to’a sefulutasi i latou na faamanuiaina i le taeao nei i se sauniga na faia i le Maota o le Malo, le Government House e tauaao atu ai faailoga taualoa e amanaia ai a latou tautua i le atunuu.
E toatasi se tamalii Samoa na aofia ai ia i latou na faamanuiaina i nei faailoga taualoa, le susuga i le alii faifeau, Reverend Iliafi Esera, ONZM, o Whanganui, mo ana auaunaga i tagata Samoa ma le faiva faa-Kerisiano.
O le susuga i le faafeagaiga, Reverend Iliafi Esera o ia o le Senior Pastor mo le Faith City Church i Whanganui ma e faaulu foi ia te ia le a’oga, Faith City School. O loo ia ta’ita’ia foi Ekalesia uma a le Faith City United Churches i Ausetalia, Niu Sila ma Samoa.
O Rev Esera, o ia le uluai tagata, non-European ua tōfia e avea a General Superintendent of Assemblies of God i Niu Sila, lea e aofia ai le to’a 600 faifeau ma le 231 aulotu i Niu Sila, ma o ia o le Apostolic Overseer o Great Life International Churches i Ausetalia, Niu Sila, le Iunaite Setete ma Samoa.
Sa fesoasoani foi i le faavaeina o aulotu a Māori Assemblies of God i vaega eseese o le atunuu. Sa ia faavaeina le network a faifeau, le Samoan Pastors and Leaders International Network. O ia foi na faavaeina le polokalame saili seleni mo galuega misiona faa-Kerisiano i isi atunuu ma galuega laveai i le mavae ai o mala faalenatura i le atu Asia ma le Pasefika.
O le susuga foi i le faafeagaiga o loo fa’aao i ai le To’omaga Ministry, lea e fesoasoani i tagata, aemaise tagata Samoa, ia latou mataupu faaletulafono ma mataupu i sauāga i totonu o aiga.
