Na tulimata’ia e le lalolagi le savali tele na iai ananafi mai le to’atele na savavali mo le Treaty of Waitangi.
Fai mai leoleo e tusa ma le 42,000 tagata na auai i le savali ananafi ma o lea na maua le avanoa o sui o le malo e feiloa’i ai i tagata.
I le saunoaga a le Palemia ia Christopher Luxon i le taeao nei na ia ta’ua ai o auala e faaali ai finagalo o tagata Niu Sila i le 184 tausaga ua alu, lea o loo malosi ai le fauina o le atunuu.
Ae i lipoti salalau i atunuu i fafo ona o le savali tele lenei ananafi, e lē gata o le social media ae faapea le tele o ofisa faasalalau.
E ui i le to’atele na’ua, ae fai mai leoleo i le po anapo o lea lava na sologa manuia ma saogalemu le savali ma o lea foi ua o latou faafetaia ai i latou na tuufaatasia.
E lē gata i lea o le faafetaia o tagata lautele i le lava papale a o tapuni ai le tele o auala i le taulaga i Ueligitone.
O se savali na aso atoa, ma o lea na faai’u anapo i Waitangi Park.
Puna o Faamatalaga: Hīkoi live: Tens of thousands in march to Parliament | Stuff
