Ua faailoa manino e le SPREP poo le faalapotopotoga e nafa ma le māta’itūina o le si’omaga o le Pasefika, le Secretariat of the Pacific Regional Environment Program, o le taunuu mai o le El Nino e māfua ina ua faasolo ina mafanafana atu le sami nai lo le mea e masani ona iai ma ua oo ina aafia ai ma le tulaga o timuga ma ālamatagi.
Fai mai le SPREP e pei ona lipotia e le RNZ, o nai masina o lumana’i ai o le a faasolo ina vevela atunuu i le itu i Sisifo o le Pasefika ma faatetele ai foi le ono tula’i mai o mugalā.
Peita’i o atunuu i le itu i Sasa’e ma le ogatotonu o le Pasefika o le a faasolo ina mātele iai timuga.
O loo ta’ua i le lipoti finagalo o nisi o le au su’esu’e e ono iai ni suiga ogaoga o le tau e tula’i mai i se taimi o i luma ae o le a māta’itū pea ona e eseese uma tulaga o le ituaiga tau lea o le El Nino.
Puna o Faamatalaga: https://www.rnz.co.nz/news/pacific/598397/what-the-arrival-of-el-nino-means-for-the-pacific-islands
